CASA BRANDARIZ, é un edificio de orixe centenaria ( data do 1553) está edificado nun terreo escarpado, e a vivenda adáptase a contorna. A casa está dividida en dúas zonas, unha planta baixa adicada ao uso común dos hóspedes composta por "lareira" (cociña típica galega) cuarto do forno, salón-comedor (antigo curral de gando) e soportal; e a planta alta adícase a hospedaxe, dende onde se poden gozar das vistas do val.
Está situada a pouca distancia do Camiño de Santiago, polo que CASA BRANDARIZ é o lugar ideal para o merecido descanso do peregrino na súa última etapa a Compostela.
O MESÓN RURAL "CASA BRANDARIZ", ofrece ao visitante exquisitas especialidades culinarias a base de carnes coa Denominación de Orixe "Tenreira Galega", Capón de Curral, Cocido Galego, etc... así como variadísimas sobremesas de elaboración caseira como as filloas recheas e o leite frito, sen esquecer tamén o afamado Queixo de Tetilla con denominación de orixe "Arzúa-Ulloa".
O Mesón Rural "CASA BRANDARIZ", dende que abriu as súas portas no ano 1994, foi galardoado con premios que recoñecen o seu bo facer culinario:
- Premio Álvaro Cunqueiro (ano 2000)
- Premio Garfo de Ouro (ano 2001)
- 2º Premio no Certame Gastronómico de Galicia
- 3º Finalista no Concurso de Cociña Tradicional de Galicia
Tamén forma parte da "Rede Europea do Patrimonio Gastronómico" cuxo obxectivo é a valorización da cociña tradicional e típica e a potenciación dos produtos rexionais e da zona.
Dende o ano 2006, CASA BRANDARIZ, esta certificada co selo de Calidade Turística "Q", que garante uns niveis mínimos, segundo os estándares de calidade marcados para este sector, ao igual que dende o ano 2008 pertence ao grupo de empresas galegas certificadas co selo de "Galicia Calidade".