Casa de campo cerca do mar,perfectamente rehabilitada, con detalles de museo (lareira, horreo,mobles orixinais da casa) e todas as comodidades modernas (hidromasaxe, calefacción, WIFI free) moi acolledora e funcional.
O alcume da nosa casa ven, como moitos en Galicia, polo nome do meu bisavó. É unha casa de aldea típica desta zona, con dúas plantas e baixo cuberta con tellado a dúas augas e balcón no primeiro andar. Restaurámola no 1999 tratando que a inclusión de comodidades modernas non lle fixese perder o ambiente acolledor da casa de labranza construída no 1900 co que naceu, e penso que se conseguiu: o arrecendo a madeira de castiñeiro e a frescura da pedra, combinada coa calidez da lareira seguen marcando o encanto da casa.
Dispón de sete habitacións duplas, algunhas delas con posibilidade de poñer cama supletoria, catro delas dispoñen de bañeira de hidromasaxe. Na planta inferior distribúese a cociña, co fregadoiro orixinal en mármore; o salón da lareira, onde se desfrutan deliciosos almorzos con marmelo e marmeladas, queixo D.O. Arzúa-Ulloa, cereais, torradas, iogures a rosca ou biscoito, ademais de froitas e zume de laranxa natural.
A casa alúgase por habitación ou por casa completa.
Ten un gran finca axardinada na que se atopa un gran hórreo, o aparcamento cuberto para catro coches, un porche con barbacoa, así como numerosos árbores froiteiras.
Situada nun entorno tranquilo,de fácil acceso, con preciosas vistas á natureza e a so uns minutos de praias salvaxes, vilas monumentais e restos arqueolóxicos. Ideal para excursións a todo Galicia: a 20 minutos de Santiago de Compostela, unha hora de A Coruña o Finisterre, hora e media de Pontevedra e as Rias Baixas.
Con un acceso e finca independiente, vecinño á casa, existe un restaurante que leva o mesmo nome da casa, ainda que a xestión non pertence á mesma.
O horario do rexistro de entrada é entre as 13 e as 21 horas, disporán dunha chave da entrada para que teñan liberdade de movimentos e horarios. Deben chamar para avisar da hora de chegada.
MASCOTAS: admitense, baixo petición, con un coste de 5 euros noite sobre o prezo da habitación. As mascotas non poden permanecer nos espacios comunes, aloxaranse na habitación co cliente e nunca poderán quedar soas no establecimento.