Casa rural en Taboada, na Ribeira Sacra. Situada a beira do río Toldao, uns centos de metros antes do seu encontro co río Miño no encoro de Belesar (Chantada), a 14 kms do Camiño de Santiago. Ofrece unha forma diferente de experimentar o mundo rural: unha finca cercada de 55 has da que forman parte os apartamentos, na que convive unha riqueza patrimonial (muíños, forno, pombal, palleira, hórreo, era..), unha paisaxe con carreiros que nos levan a bosques de carballos , castiñeiros, fervenzas... e unha rica fauna silvestre, que a fan única.. Unha zona deportiva pública: piscinas, cancha de tenis a 400m. e un pouco máis aló, o club náutico de Mourulle, para practicar os deportes náuticos. O aloxamento nos nosos apartamentos permite acercar aos nosos días o mundo rural de séculos anteriores. e gozar no presente desta riqueza patrimonial, ben sexa en parella, en grupo, en familia ou en grupos de familias. (máximo 15 persoas)