Pazo da Cruz
CÓMODO DESCANSO na NATUREZA, nos 11 cuartos, repartidos en 3 edificios do Pazo, os seus salóns, comedores e capela. Todo isto agradablemente decorado e rodeado de xardíns, pradarías e bosques ata o Río Baxoi, sendo este troiteiro (só o terreo ten 85.000 m2).
O Pazo provén deses antigos conxuntos de labor no campo. Non se sabe a data da súa orixe, pero do seu primeiro edificio principal e dos altos muros que formaban o curral para protexer ao gando dos lobos, foron desenvolvéndose os edificios dos caseiros, o das cortes, do forno e o lagar e outro onde se recollían as rendas das parzarías, arrendos de terreos, vendas de colleitas de cereais, froitas e gandos, etc. e onde tamén está a capela adicada a San Rodrigo.
Así pois, actualmente encontrámonos un conxunto organizado en torno a un patio que forman os tres edificios e o muro do leste que dá ao Camiño Real por onde abre unha das súas portas de acceso e cun arco en pedra rematado por unha bela cruz bizantina, de onde toma o seu actual nome.
SERVIZOS
Dispón dun cuarto que está habilitado para persoas de mobilidade reducida.
Hai dous comedores (xunto ás súas respectivas cociñas), onde se serven os almorzos, un salón para lectura xunto á capela e outro con vistas ao val. Facilitando a posibilidade de reunións de empresa e celebracións familiares.